Në vijim të zbatimit te Programit për Parandalimin e Krimit të fshehur në Komunitet dhe  Bashkëpunimin midis Policisë dhe Njësisë Administrative, më 17 korrik 2020 u organizua një takim me 5 administratorë të pallateve në Njësinë 10 të Bashkisë së Tiranës.

Në fillim të takimi Leart Kola foli për rendësinë e projektit që synon të zbulojë defektet e mekanizmave ekzistues dhe të ofrojë zgjidhje ligjore. Gjatë takimit u identifikuan disa probleme sociale të Njësisë 10, siç janë: mosmarrëveshjet mbi bashkëpronësinë, problemet me parkimin etj.

Aktualisht, administratorët e ndërtesave raportojnë në polici për probleme të ndryshme, por nuk ka takime të shpeshta periodike dhe të rregullta mes tyre. Mungesa e një sistemi adresash është problematikë e shtruar disa here dhe është premtuar zgjidhje por që nuk ka pasur deri tani ndërhyrje.

Gjatë takimit u propozua që policia në komunitet të shndërrohet në ligj me dispozita te qarta, ndërlidhësit e komunitetit te kenë një zonë të caktuar dhe të jenë pjesë e stafit të njësisë administrative.