Lëvize shigjetën majtas dhe djathtas për të parë fotot para/pas 

Qendra Sociale “Streha Tiranë” rindërtuar në objektin industrial te “Uzina e Traktoreve” me qëllim krijimin e një hapësire për trajtimin e të pastrehëve, është një projekt i mbikëqyrur nga Instituti i Studimeve Sociale dhe Humane dhe kishte një periudhë 15 muaj zbatimi nga Bashkia e Tiranës me mbështetjen financiare të IADSA.

Qëllimi kryesor i projektit është sigurojë strehim, ushqim dhe shërbime mbështetëse për të rriturit dhe të pastrehët për komunitetin e Tiranës. Projekti zbatoi aksione sistematike për fuqizimin psiko-social dhe mbështetjen për këtë kategori dhe më tej siguroi fuqizim psiko-social edhe për punonjësit socialë që mirëmbanin strehën sociale.

Bashkia Tiranë, nëpërmjet strukturave të saj, realizon dhe menaxhon shërbimin social për kategoritë në risk, duke siguruar që shërbimet e ofruara të jenë të përshtatshme, efektive, të aksesueshme dhe gjithëpërfshirëse. Nëpërmjet këtyre programeve sigurohet garantimi i të drejtave dhe standardeve të ndihmës e përkujdesit për individët dhe grupet në nevojë.

Vizioni i kësaj Qendre është mundësimi i një strehe emergjente për të pastrehët e identifikuar në situatë rruge në qytetin e Tiranës. Risia e kësaj Qendre, në dallim me administrimin e pesë qendrave të tjera sociale në varësi të Bashkisë Tiranë, është se do të shërbejë si një strehim funksional çdo ditë, ku target grupi i synuar do të mund të përfitojë paketën e shërbimeve të nevojës nga ora 20:00-8:00, dhe në raste kur shpallet emergjenca civile, kjo qendër do funksionojë 24 orë.

Tirana Shelter for the Homeless will accommodate this end of year the most vulnerable groups within our society.

Qendra Sociale “Streha Tiranë” do të vendoset brenda në ambientet e ish-Uzinës së Autotraktorëve.
Drejtoria e Përgjithshme e Punëve Publike, Bashkia Tiranë është duke u kujdesur për rikonstruksionin e kësaj hapësire dhe shndërrimin e saj në një vend mikpritës për të pastrehët. pic.twitter.com/sZky1gFEkg

— Tirana Shelter (@ShelterTirana) December 18, 2018

The works are bering done in record time to be ready for Christmas #solidarity#tiranashelter@ShelterTirana pic.twitter.com/q3b5k2SZUx

— ISSH.al (@issh_al) December 19, 2018

L’Amb. Cutillo e il Sindaco @erionveliaj hanno inaugurato il nuovo centro per senzatetto di #Tirana, sostenuto da Programma #IADSA, a conferma della priorità delle politiche sociali per la #Cooperazione ?? in ?? per una crescita equilibrata e solidale. https://t.co/JO7VEc6uGk pic.twitter.com/JFGL8uGgyQ

— Italy in Albania (@ItalyinALB) January 8, 2019

“Streha Tiranë” e cilësuar si “Strehë Emergjente”, e cila është ideuar për t’i ardhur në ndihmë personave të pastrehë të ndodhur në situatë rruge, në përmirësim të cilësisë së jetës së tyre. Qendra Sociale “Streha Tiranë” është e vendosur brenda në ambientet e ish-Uzinës së Autotraktorëve, aktualisht Uzina e Pjesëve të Ndërrimit për Automjete, Shkozë, ndodhur në zonën kadastrale 8170, në hartën me indeks M-N-20, Rruga “Ali Shefqeti”, brenda territorit të UPNA-së. Qendra ka sipërfaqe trualli 320 m2 dhe sipërfaqe ndërtimi 260 m2.

Kryetari i Bashkisë së Tiranës, Z. Erion Veliaj e ka vizituar personalisht Qendra Sociale “Streha Tiranë” disa herë, sidomos gjatë dimrit, ku urgjencat kanë qenë më të shpeshta për shkak të temperaturave të ulëta dhe kushteve të vështira atmosferike.

Burgu ne Spaç,
Kursimet e humbura ne piramida,
Debuar nga fshati prej aftesise kufizuar.

Keto jane disa nga historite e endacakeve te Tiranes! Nga sot fale ndihmes se @ItalyinALB nje strehe dinjitoze x mbremjet e ftohta, me krevate, ushqim, dushe e mjeke! ???#TiranaSolidare pic.twitter.com/kKDbyJpuUW

— Erion Veliaj ?‍♂️?⚽️?? (@erionveliaj) January 8, 2019

Objektivat e Qendrës Sociale

1. Sigurimin e një ambjenti të sigurt dhe të përshatshëm jetese për personat që jetojnë në situatë rruge ose kanë nevojë për sistemin emergjent;
2. Zgjerim në aksesin për përfitimin nga paketa shërbimeve sociale;
3. Nxitje e zhvillimit të individit dhe aftësimit profesional dhe për jetën;
4. Sigurim i zbutjes së barrierave, gjithpërfshirjes dhe integrimit të personave me aftësi të kufizuar si pjesë e kontigjentit në situatë rruge, përmes programeve specifike të asistencës, orientimit e sigurimit të shërbimeve përkatëse;
5. Krijimi i një mjedisi të ngrohtë, sa më pranë kushteve familjare ku përfituesit në nevojë, të ndjehen të respektuar dhe të vlerësuar në dinjitetin dhe të drejtat e tyre;
6. Ofrimi i shërbimeve cilësore në përputhje me standardet e miratura dhe përmirësimi i kushteve të jetesës së përfituesve.
7. Integrimi social i përfitueseve në jetën e komunitet;
8. Bashkëpunimi me sektorin joqeveritar dhe donatorët për përmirësimin e shërbimeve dhe kushteve të jetesës së përfituesve;
9. Nxitja e autonomisë, vetëveprimit dhe pjesëmarrjes së përfituesve në jetën e qendrës sociale dhe aktivitetet social-kulturore.

Shërbimet e ofruara

Qendra Sociale “Streha Tiranë” ofron:
 Akomodim i përkohshëm (fjetje) për personat e në situatë rruge dhe në raste emergjence;
 Sigurim i paketës së shërbimeve bazë: higjenë, ushqime, kujdes shëndetësor e psiko-social;
 Shërbime këshilluese, ndërmjetësuese lidhur me statusin civil, strehim social, punësimin dhe aspekte ligjore;
 Parandalim i braktisjes, institucionalizimit dhe trafikimit të qenieve njerëzore;
 Integrimi i individëve me probleme sociale dhe të zhvillimit;
 Ofrimi i programeve të fuqizimit të individit dhe familjes;
 Sigurim i një mënyre jetese të shëndetshme e të pavarur për personat me aftësi të kufizuar.

Target – Grupet përfituese të shërbimeve

Prioritet kanë target grupet si më poshtë:
– Individë që jetojnë në situata të cënueshme, në situatë rruge, apo të pastrehë të përkohshëm, kontigjent ky vulnerabël.
– Familje që për shkak të emergjencës civile ndodhet në situatë rruge
– Çdo përfitues i cili vlerësohet nga DPSHS dhe Ekipi Multidisiplinar se duhet të frekuentojë qendrën sociale edhe nëse nuk është banor i qytetit të Tiranës.

Nëse shihni të pastrehë në rrugë, lutemi të lajmëroni në numrin e emergjencave:
Tel: 129
ose në numrin e gjelbër të Bashkisë Tiranë
Tel: 08000888