‘Qyteti bashkëpunues i përbashkët’ ka për qëllim të jetësojë hapësirat publike në poliqendrat e reja të qytetit të Tiranës nëpërmjet përfshirjes së qytetarëve.

ISSH zhvilloi një takim në hapësirat e shkollës ‘Musine Kokalari’ me përfaqësues të komunitetit dhe administratorin e njësisë nr. 6 Z. Adriatik Merko.

Organizimi policentrik i qytetit të Tiranës në 6 qendra të reja urbane është një projekt i udhëhequr nga Bashkia Tiranë. Projekti ka për qëllim që nëpërmjet takimeve me banorët e këtyre qendrave, të adresojë rëndësinë që ka përfshirja aktive e qytetarëve në planifikimin dhe jetësimit e hapësirave të përbashkëta publike.
Pjesëmarrësit në këto takime patën mundësinë që përmes angazhimit aktiv, të paraqesnin iniciativat e tyre për hapësirat publike që plani i Bashkisë mund të mos i kishte paraparë. Kyçja e qytetarëve përmes këtij propozimi synon që të vendosë një praktikë të re dhe inovative të mbikëqyrjes qytetare në realizimin e planit të përgjithshëm Tirana2030, përmes aktivizmit dhe aksionit të drejtpërdrejtë lidhur me nevojat imediate urbane të qytetarëve të Tiranës.

Ky projekt mbështetet nga Lëviz Albania.