Dokumenti i parë arkivor me listën e vullnetarëve shqiptarë në Luftën e Spanjës
Dokumenti i parë arkivor i njohur deri më sot, me listën e vullnetarëve shqiptarë në radhët e brigadës internacionale në Luftën e Spanjës. Në këtë dokument që daton në vitin 1946, janë të renditur 30 shqiptarë që janë përfshirë gjatë luftës civile në Spanjë, profesionet e tyre janë nga më të ndryshmet duke filluar nga profesorë, studentë, intermiere, nënpunës publik, punëtorë etj. Ndërsa nga kërkimet e Institutit të Studimeve Sociale dhe Humane janë identifikuar 33 shqiptarë që kanë kontribuar në Luftën e Spanjës. Dokumenti ruhet në një dosje të veçantë në Arkivin Qendor të Shtetit, për disa persona që kishin shfaqur pakënaqësi ndaj regjimit të kohës janë konsideruar si elementë që nuk i kanë dhënë asnjë kontribut apo kanë sabotuar Republikën e Spanjës.
