Rekomandime “Përshpjetim i zhvillimit dhe bashkëpunimit qytetar”
- Ligji i Tiranës/ është një prej rekomandimeve kryesore të studimit “Përshpjetim i zhvillimit dhe bashkëpunimit qytetar” është Ligji i Tiranës. Prozojmë që të ketë një ligj të veçantë për administrimin e qytetit të Tiranës, ashtu siç ka pjesa dërrmuese e kryeqyteteve evropiane. Me këtë ligj të rregullohet qyteti i Tiranës; si një njësi e veçantë e vetëadministrimit lokal, kompetencat dhe financimi i qytetit si dhe bashkëpunimi i Bashkisë së Tiranës me bashkitë e tjera në Shqipëri dhe me qeverinë qendrore.
- Ndarja territoriale/ Shërbimet vjen si një prej rekomandimeve të studimit “Përshpjetim i zhvillimit dhe bashkëpunimit qytetar”. Aktualisht janë bërë 5 vite nga reforma administrative dhe territoriale, nevojitet një ridimensionim i ndarjes territoriale që do ndihmonte në trendin e zhvillimit urban, më shumë investime publike apo private si dhe përmirësimin e cilësisë së shërbimeve.
- Strukturat qytetare dhe organizatat e shoqërisë civile/ është një prej rekomandimeve thelbësore të studimit “Përshpejtim i zhvillimit dhe bashkëpunimit qytetar” është mbi strukturat qytetare dhe organizatat e shoqërisë civile, të cilat kanë në fokusin e tyre monitorimin e administratës lokale, që rrjedhimisht ndikojnë forcimin e komuniteteve por mbi të gjitha për monitorimin e administratës lokale e cila me ndarjen e re territoriale ka një vendimmarrje përherë e më të centralizuar.
- Monitorimi i administratës lokale/ është një prej propozimeve të studimit: “Përshpejtim i Zhvillimit dhe Bashkëpunimit Qytetar” lidhet me monitorimin e administratës lokale nga strukturat qytetare dhe organizatat e shoqërisë civile, që janë të rendësishme jo vetëm për zhvillimin e komuniteteve, por edhe në pjesëmarrjen në vendimmarrjen lokale, çka rrjedhimisht do të sillte përmirësim të dukshëm të shërbimeve të administratës lokale.
- Struktura e ndërmjetësimit të qytetarëve si motorr i demokracisë/ është rekomandimin e radhës referuar, strukturave të ndërmjetësimit të qytetarëve si motorr i demokracisë. Rekomandojmë, që ndërlidhësit e komunitetit dhe kryepleqtë të funksionojnë jo vetëm si “whistle-blower” por të kenë buxhet dhe kompetenca për të bërë organizime komunitare duke ndihmuar në organizimin e strukturave përfaqësuese komunitare. Ndërlidhësit dhe kryepleqtë të ndihmojnë në lehtësimin e krijimit të bordeve në çdo lagje. Këto borde, të cilat rekomandojmë, që të krijohen sidomos në qytetet e mëdha si Tirana, Durrësi, Elbasani etj. të jenë të zgjedhura nga banorë ku përfaqësuesit të mbulojnë territore me jo më shumë se 20 mijë banorë dhe të jenë reflektim i hapësirave urbane të ndërlidhur me njëra-tjetrën përmes blloqeve të pallateve.
- Referendumet Lokale/ propozojmë që të ketë proçedura të veçanta dhe referendumet lokale të kërkuara nga një grup banorësh, duke lehtësuar procedurat. Gjithashtu mendojmë, që duhen eksploruar forma të votimit elektronik, të rregullohen me Vendim të Këshillit Bashkiak e të propozohen si alternativë në angazhimin qytetar dhe marrjen e mendimeve për projekte të ndryshme publike, që ndodhin në komunitetin e tyre.
