Drejtor Ekzekutiv i Institutit të Studimeve Sociale dhe Humane, Leart Kola mori pjesë më datë 28 gusht 2021 në Akademinë Verore Politike në Jalë, një aktivitet i organizuar nga Forumi Rinor EuroSocialist i Tiranës.

Gjatë takimit përmes fotogarafive të ndryshme u trajtuan disa çështje shumë të rëndësishme për të rinjtë, për të majtën dhe për aktivizmin politik në tërësi. Leart Kola u shpreh: “në Akademinë Verore Politike të Fres Tiranë në Jalë patëm mundësi të flisnim për historinë e sindikalizmit por dhe për të ardhmen e punës dhe punëtoreve sot, për politikat e majta, sidomos për mungesën e tyre. Diskutimi shkoj nga fabrikat e fillimit të industrializmit tek call center-at, nga Patro Marko tek Bernie Sanders, mbi të gjitha se si e majta sot në situatë vështirësie ekonomike dhe pandemie, mund të përballet me nacionalizmin dhe populizmin e djathtë. Ishte një kënaqësi të kalonim kohë fizikisht me njëri-tjetrin.”

Në përfundim të aktivitetit vendin e zuri një sesion pyetjesh dhe përgjigjesh mes të pranishmëve dhe Leart Kola.