Diskutim i Hapur
Diskutim i Hapur mbi themelimin, funksionimin dhe administrimin e Dhomave tё Specializuara dhe Zyrёs sё Prokurorit tё Specializuar tё Kosovёs nё Hagё, me pjesëmarrjen e Kryetarit të Kuvendit të Kosovës z. Glauk Konjufca, përfaqësuesve të ekipit të mbrojtjes pranë Dhomave të Specializuara, të institucioneve zyrtare të Republikës së Shqipërisë dhe të Kosovës, shoqërisë civile dhe akademisë.
Dhomat e Specializuara dhe Zyra e Prokurorit tё Specializuar tё Kosovёs nё Hagё u themeluan në bazë të një marrëveshjeje ndërkombëtare të miratuar nga Kuvendi i Kosovës, një amendamenti kushtetues, si dhe në bazë të Ligjit për Dhomat e Specializuara dhe Zyrën e Prokurorit të Specializuar të Kosovës. Juridiksioni i Dhomave të Specializuara përfshin krimet kundër njerëzimit, krimet e luftës dhe krime të tjera të parashikuara në legjislacionin e Kosovës, të cilat kanë filluar apo janë kryer në Kosovë ndërmjet 1 Janarit 1998 dhe 31 Dhjetorit 2000 nga ose kundrejt qytetarëve të Kosovës apo Ish-Republikës së Jugosllavisë. Si të tilla, Dhomat e Specializua Specializuara veprojnë në mënyrë autonome, të pavarur nga organet administrative dhe gjyqësore të sistemit gjyqësor të Kosovës.
