Nuk ka të ardhme pa kujtesë!
Instituti i Studimeve Sociale dhe Humane dënon me forcë vendimin e kryetarit të komunës Predappio, i cili ka mohuar dhënien e një kontributi prej 370 euro për pjesëmarrjen e dy studentëve në projektin “Auschwitz – Treni i Kujtesës” sepse për kryetarin e qendrës së djathtë Roberto Canali “ky tren shkon vetëm në një drejtim, që është vetëm drejt Auschwitzit”.
Por çfarë kuptimi mund të ketë deklarata që, Treni i Kujtesës është i njëanshëm? A është shfarosja e gjashtë milion hebrenjve një qëndrim i një anshëm?
Udhëtimi i Përkujtimit i organizuar cdo vit nën titullin ‘Treni i kujtesës’ ka bërë të mundur që, mijëra studentë të shohin, mësojnë dhe dëgjojnë nga fjalët e të mbijetuarve se çfarë ishte Auschwitz. Një parantezë e errët dhe e pashlyeshme e historisë evropiane. Një mësim kundër të gjitha formave të urrejtjes, diskriminimit dhe dhunës.
Të vizitosh kampin Auschwitz-Birkenau do të thotë të bëhesh dëshmitar i drejtpërdrejtë në faqen më të paqartë të shkruar nga njerëzimi në shekullin e kaluar. Ai përfaqëson një udhëtim të nevojshëm për tu pajtuar me shumë pyetje, që kjo faqe i lë ende të hapura për të tashmen.
Instituti i Studimeve Sociale dhe Humane ka mbeshtetur dhe do të vazhdojë të mbeshtes projektin e ‘Trenit të Kujtesës’ ku vjet për herë të parë u bë pjesë edhe Tirana duke marrë pjesë në vizitën në kampin Auschwitz-Birkenau e gjithashtu duke vizituar me pas në qytetin e Tiranës ish bunkierin atomik të shndëruarr në muze historik Bunk’art 1&2 se bashku me nxënës të gjimnazeve të Tiranës.
https://bologna.repubblica.it/cronaca/2019/11/08/news/_il_treno_della_memoria_e_di_parte_il_comune_di_predappio_nega_i_fondi_per_la_visita_ad_auschwitz-240579365/?refresh_ce
